കുമരനെല്ലൂർ: 2009-ൽ ആരംഭിച്ച കുമരനെല്ലൂർ ഫുട്ബോൾ ട്രെയിനിങ് സെന്ററിന്റെ (കെ.എഫ്.ടി.സി) മൂന്നാമത് ബാച്ചിന്റെ ഉദ്ഘാടനവും ജേഴ്സി പ്രകാശനവും കപ്പൂർ ഗ്രാമപഞ്ചായത്ത് പ്രസിഡണ്ട് നസീമ നാസർ നിർവഹിച്ചു.
കപ്പൂർ ഗ്രാമപഞ്ചായത്ത് വൈസ് പ്രസിഡണ്ട് പി. രാജീവ് ചടങ്ങിൽ അധ്യക്ഷത വഹിച്ചു. കുമരനെല്ലൂർ ഹയർസെക്കന്ററി സ്കൂളിന്റെയും പ്രദേശത്തെ വിവിധ ക്ലബ്ബുകളുടെയും മേൽനോട്ടത്തിൽ സംഘടിപ്പിക്കുന്ന ക്യാമ്പിൽ തെരഞ്ഞെടുക്കപ്പെട്ട 40 കുട്ടികൾക്കാണ് പരിശീലനം നൽകുന്നത്.
ചടങ്ങിൽ കപ്പൂർ ഗ്രാമപഞ്ചായത്ത് അംഗങ്ങളായ എം.വി. അലി, നൂറുൽ അമീൻ മാസ്റ്റർ, അച്ചുതൻകുട്ടി മാസ്റ്റർ, കെ.എഫ്.ടി.സി പ്രസിഡണ്ട് കെ. മുസ്തഫ, ടി. ഖാലിദ്, ഷംസുദ്ധീൻ, സി. നാസർ, പി.ടി. റഷീദ്, ഡോ. അസീസ്, ഫസലു, ഷമീർ, റാസിക്, ബിനീഷ്, കൃഷ്ണപ്രകാശ് എന്നിവർ പങ്കെടുത്തു. പരിശീലകരായ എൻ.വി. യഹ്യ, അർജുൻ എം., അഷ്റഫ് പി.ടി. എന്നിവരും ചടങ്ങിൽ സന്നിഹിതരായിരുന്നു.
