പട്ടാമ്പി: പട്ടാമ്പിയിൽ വയോധികയെ ട്രെയിൻ ഇടിച്ച് മരിച്ച നിലയിൽ കണ്ടെത്തി. തിരുവേഗപ്പുറ ഉതിരംകുഴി സ്വദേശിനിയായ സുലോചന (59) ആണ് മരിച്ചത്. ഇന്ന് രാവിലെ എട്ടരയോടെ കോയമ്പത്തൂർ–കണ്ണൂർ ഇന്റർസിറ്റി എക്സ്പ്രസ് പട്ടാമ്പി റെയിൽവേ സ്റ്റേഷന്റെ പടിഞ്ഞാറ് ഭാഗത്ത് വെച്ചാണ് അപകടം ഉണ്ടായത്.
വയോധിക മനപൂർവം ട്രാക്കിലേക്ക് ചാടിയതാകാമെന്ന സംശയമാണ് ദൃക്സാക്ഷികൾ ഉന്നയിച്ചതെന്ന് പട്ടാമ്പി പോലീസ് അറിയിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
മൃതദേഹം പട്ടാമ്പി താലൂക്ക് ആശുപത്രിയിലേക്ക് മാറ്റി. തുടര് നടപടികള് സ്വീകരിച്ചു വരുന്നതായി പോലീസ് വ്യക്തമാക്കി.
