തമിഴ്‌നാട് തീരത്ത് ചക്രവാതച്ചുഴി രൂപപ്പെട്ടിട്ടുണ്ട്. ഇതിന് പുറമെ ബംഗാൾ ഉൾക്കടലിൽ ന്യൂനമർദം രൂപപ്പെടാനുള്ള സാധ്യതയും കാലാവസ്ഥാ സാഹചര്യങ്ങൾ ശക്തമാക്കുന്നു. ഈ ഘടകങ്ങൾ കേരളത്തിലടക്കം തെക്കേ ഇന്ത്യൻ സംസ്ഥാനങ്ങളിൽ മഴയ്ക്ക് അനുകൂലമായ സാഹചര്യമൊരുക്കുമെന്നാണ് വിലയിരുത്തൽ.
വരും ദിവസങ്ങളിൽ മഴയും ഇടിമിന്നലും ഉണ്ടാകാൻ സാധ്യതയുള്ളതിനാൽ ജനങ്ങൾ ജാഗ്രത പാലിക്കണം. ശക്തമായ മഴ ലഭിക്കുന്ന പ്രദേശങ്ങളിൽ വെള്ളക്കെട്ടിനും ഗതാഗത തടസ്സങ്ങൾക്കും സാധ്യതയുള്ളതിനാൽ ആവശ്യമായ മുൻകരുതലുകൾ സ്വീകരിക്കണമെന്നും നിർദേശിക്കുന്നു.
