തൃശ്ശൂർ: ഡിവൈഎഫ്ഐക്ക് പുതിയ സംസ്ഥാന നേതൃത്വം. കല്യാശ്ശേരി എംഎൽഎ എം. വിജിനെ സംസ്ഥാന സെക്രട്ടറിയായും ചിന്താ ജെറോമിനെ സംസ്ഥാന അധ്യക്ഷയായും പ്രഖ്യാപിച്ചു. ഡിവൈഎഫ്ഐയുടെ ചരിത്രത്തിലെ ആദ്യ വനിത അധ്യക്ഷയാണ് ചിന്താ ജെറോം. ആലപ്പുഴയിൽ നിന്നുള്ള ആർ. രാഹുലാണ് ട്രഷറർ.
തൃശ്ശൂരിൽ നടക്കുന്ന സംസ്ഥാന സമ്മേളനത്തിലാണ് എ.എ. റഹീം പുതിയ ഭാരവാഹികളെ പ്രഖ്യാപിച്ചത്. 25 അംഗ സെക്രട്ടറിയേറ്റിനെയും പ്രഖ്യാപിച്ചു. വി. അനൂപ്, ആർ. ശ്യാമ, മുഹമ്മദ് അഫ്സൽ, ഷബീർ പി., നിഖിൽ ബാബു എന്നിവർ വൈസ് പ്രസിഡന്റുമാരാണ്. ഗ്രീഷ്മ അജയ്ഘോഷ്, രജീഷ് വെള്ളാട്ട്, ശ്യാം പ്രസാദ്, സച്ചിൻ ദേവ്, അനുശ്രീ എന്നിവർ ജോയിന്റ് സെക്രട്ടറിമാരാകും.
നാല് ദിവസമായി തുടരുന്ന സംസ്ഥാന സമ്മേളനം ഇന്ന് സമാപിക്കും. വൈകിട്ട് നാലിന് നേതാജി ഗ്രൗണ്ടിൽ നടക്കുന്ന സമാപന സമ്മേളനം മുൻ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സൈബർ അധിക്ഷേപം നേരിട്ട ‘നാടകം മിസ’ സമാപന സമ്മേളനത്തിന് ശേഷം വീണ്ടും പ്രദർശിപ്പിക്കും.
