കുമരനെല്ലൂർ പടിഞ്ഞാറങ്ങാടി ഇസ്ലാഹിയ സൈടെക് സ്കൂൾ കെ.ജി സെക്ഷനിൽ അലിഫ് ഡേ വിപുലമായ പരിപാടികളോടെ ആചരിച്ചു. വിദ്യാർത്ഥികൾക്ക് അറബി ഭാഷയും അക്ഷരങ്ങളും പരിചയപ്പെടുത്തി. സ്കൂൾ സി.ഇ.ഓ ശരീഫ് മേലേതിൽ ഉദ്ഘാടനം ചെയ്തു. അൽ-ഫിത്റ ഹെഡ് ജസ്ന ടീച്ചർ, ദാറുൽ അർഖം പി.ആർ.ഓ മുഹ്സിൻ മങ്കട, സ്കൂൾ വൈസ് പ്രിൻസിപ്പാൾ ജയന്തി ടീച്ചർ എന്നിവർ സംസാരിച്ചു. സൈടെക് കിൻഡർഗാർട്ടൻ അധ്യാപകരായ സജിത ടീച്ചർ, മാജിദ ടീച്ചർ, മുർഷിദ ടീച്ചർ, തുഷാര ടീച്ചർ എന്നിവർ നേതൃത്വം നൽകി.
