പട്ടാമ്പി: ആലൂർ വലിയ പൂക്കുഞ്ഞിക്കോയ തങ്ങളുടെ സ്മരണയിൽ 112-ാമത് പട്ടാമ്പി നേർച്ച 2026 മാർച്ച് 29-ന് (ഞായറാഴ്ച) നടക്കും. നേർച്ചയുടെ നടത്തിപ്പിനായി കേന്ദ്ര കമ്മിറ്റി ഭാരവാഹികളായി പ്രസിഡന്റായി അലി പൂവ്വത്തിങ്ങൽ, സെക്രട്ടറിയായി സി. ഹനീഫ മാനു, ട്രഷററായി കെ. ബഷീർ എന്നിവരെ തിരഞ്ഞെടുത്തു.ഈ വർഷത്തെ ആഘോഷങ്ങൾ മാർച്ച് 28, 29 തീയതികളിലായി നടക്കും. 28-ന് വിവിധ ദേശ കമ്മിറ്റികളുടെ നേതൃത്വത്തിൽ കലാപരിപാടികൾ അരങ്ങേറും.
29-ന് രാവിലെ കൊടിയേറ്റത്തോടെ പരിപാടികൾക്ക് തുടക്കമാകും. തുടർന്ന് വൈകുന്നേരം അറുപതോളം കമ്മിറ്റികളുടെ നേതൃത്വത്തിൽ ഗജവീരന്മാരുടെ അകമ്പടിയോടെ നഗരത്തിലൂടെ ഘോഷയാത്ര സംഘടിപ്പിക്കും. രാത്രി 12 വരെ ആഘോഷങ്ങൾ നീളുമെന്ന് സംഘാടകർ അറിയിച്ചു.
