കൊച്ചി: എസ് എന് ഡി പി ജനറല് സെക്രട്ടറി സ്ഥാനത്തു നിന്നു വെള്ളാപ്പള്ളി നടേശനെ മാറ്റി. എസ് എന് ഡി പി തെരഞ്ഞെടുപ്പുമായി ബന്ധപ്പെട്ട കേസിലാണ് ഹൈക്കോടതി ഉത്തരവ്. എസ് എന് ഡി പിയോഗം ഡയറക്ടര്മാരേയും അയോഗ്യരാക്കി. കണക്കുകള് ഹാജരാക്കാത്തതാണ് കാരണം. വിമതവിഭാഗം നല്കിയ ഹര്ജിയിലാണ് ഉത്തരവ്.
എം കെ സാനുമാസ്റ്റര് അടക്കമുള്ളവര് സമര്പ്പിച്ച ഹരജിയാണ് കോടതി പരിഗണിച്ചത്. മൂന്നുവര്ഷമായി ഓഡിറ്റ് അക്കൗണ്ട് ഹാജരാക്കിയില്ല. കമ്പനി ആക്ട് പ്രകാരം നടപടി പൂര്ത്തീകരിക്കാത്തത് തിരിച്ചടിയായി. കാത്തിരുന്ന വിധിയെന്ന് വിദ്യാസാഗര് പ്രതികരിച്ചു.
