തിരുനാവായ: 78-ാമത് തിരുനാവായ സർവ്വോദയ മേളയുടെ ഭാഗമായി ഉഷ കുമ്പിടിയുടെ “വേണുഗാനം” എന്ന കവിതാസമാഹാരം പ്രകാശനം ചെയ്തു. പ്രശസ്ത കവി ആലങ്കോട് ലീലാകൃഷ്ണൻ എടപ്പാൾ സി. സുബ്രഹ്മണ്യനു പുസ്തകം നൽകി പ്രകാശനം നിർവഹിച്ചു.
സാഹിത്യപ്രേമികളും സാമൂഹ്യ-സാംസ്കാരിക പ്രവർത്തകരും പങ്കെടുത്ത ചടങ്ങിൽ അജിത് കൊളാടി, അടാട്ട് വാസുദേവൻ, അഡ്വ. രോഹിത്, പ്രണവം പ്രസാദ് തുടങ്ങി നിരവധി പേർ സന്നിഹിതരായിരുന്നു. കവിതാസമാഹാരത്തിന്റെ അവതരണവും ആശംസാപ്രഭാഷണങ്ങളും ചടങ്ങിന് ഊർജം പകർന്നു.
