അതിന്റെ മുന്നോടിയായി ജൂലൈ 13ന് മഴയും സിനിമയും, ജൂലൈ 27ന് മഴയും മലയാള സാഹിത്യവും പ്രമേയമായ പരിപാടികൾ മഴോത്സവം വിളംബരങ്ങളുടെ ഭാഗമായി ആറങ്ങോട്ടുകര വയലരങ്ങിൽ അരങ്ങേറും. ജൂലൈ 19, 20 ദിവസങ്ങളിൽ കൊല്ലങ്കോട്ടേക്ക് മഴയാത്രയും മഴോത്സവം 2025 ന്റെ ഭാഗമായി സംഘടിപ്പിക്കും. കാലവർഷം ചിട്ടപ്പെടുത്തിയ മലയാളിയുടെ ജീവിത ക്രമങ്ങളെ ഇന്നിന്റെ നേർക്കാഴ്ചകളുമായി ചേർത്തുവയ്ക്കുന്നതിനാണ് 2017 മുതൽ വയലി ഭാരതപ്പുഴയുടെ തീരങ്ങളിൽ മഴോത്സവങ്ങൾ സംഘടിപ്പിക്കുന്നത്. വിനോദ് വയലി, സുധീപ് കടുകശ്ശേരി, വിശ്വനാഥ്, കുട്ടൻ ആറങ്ങോട്, മനോ വയലി എന്നിവർ പരിപാടിക്ക് നേതൃത്വം നൽകി.