മുസ്ലീം, ക്രിസ്ത്യന്, ബുദ്ധ, സിഖ്, പാഴ്സി, ജൈന് എന്നീ ന്യൂനപക്ഷ മതവിഭാഗത്തില്പ്പെടുന്ന വിധവകള്, വിവാഹബന്ധം വേര്പ്പെടുത്തിയ, ഉപേക്ഷിക്കപ്പെട്ട സ്ത്രീകള് തുടങ്ങിയവര്ക്കായുള്ള ഇമ്പിച്ചിബാവ ഭവന പുനരുദ്ധാരണ പദ്ധതിയില് ന്യൂനപക്ഷക്ഷേമ വകുപ്പ് ധനസഹായം നല്കുന്നു. ശരിയായ ജനലുകള്/ വാതിലുകള് മേല്ക്കൂര/ഫ്ളോറിങ്/ഫിനിഷിങ്/പ്ലംബിങ്/സാനിട്ടേഷന്/ഇലക്ട്രിഫിക്കേഷന് എന്നിവയില്ലാത്ത വീടുകളുടെ അടിസ്ഥാന സൗകര്യം മെച്ചപ്പെടുത്തുന്നതിനാണ് ധനസഹായം. ഒരു വീടിന്റെ അറ്റകുറ്റപ്പണിക്ക് 50,000 രൂപയാണ് ധനസഹായം. ഇത് തിരിച്ചടക്കേണ്ടതില്ല.
അപേക്ഷകയുടെ സ്വന്തമായതോ/ പങ്കാളിയുടെ പേരിലുള്ളതോ ആയ വീടിന്റെ പരമാവധി വിസ്തീര്ണ്ണം 1200 സ്ക്വ.ഫീറ്റ് കവിയരുത്. അപേക്ഷക കുടുംബത്തിലെ ഏക വരുമാനദായകയാകണം. ബി.പി.എല് കുടുംബത്തിന് മുന്ഗണന നല്കും. അപേക്ഷകയ്ക്കോ, അവരുടെ മക്കള്ക്കോ, ശാരീരിക മാനസിക വെല്ലുവിളി നേരിടുന്നവര്, പെണ്കുട്ടികള് മാത്രമുള്ള അപേക്ഷക തുടങ്ങിയവര്ക്ക് മുന്ഗണന നല്കും. സര്ക്കാര്/ അര്ദ്ധസര്ക്കാര് സ്ഥാപനങ്ങളില് സ്ഥിരവരുമാനം ലഭിക്കുന്ന മക്കളുള്ള വിധവകള്, സര്ക്കാരില് നിന്നോ സമാന ഏജന്സികളില് നിന്നോ ഇതിന് മുമ്പ് 10 വര്ഷത്തിനുള്ളില് ഭവന നിര്മാണത്തിന് സഹായം ലഭിച്ചവര് എന്നിവര് വീണ്ടും അപേക്ഷിക്കേണ്ടതില്ല.
വകുപ്പ് പ്രത്യേകം തയ്യാറാക്കിയ അപേക്ഷാ ഫോം മുഖേനയാണ് അപേക്ഷിക്കേണ്ടത്. 2026-27 സാമ്പത്തിക വര്ഷത്തെ ഭൂമിയുടെ കരം ഒടുക്കിയ രസീതിന്റെ പകര്പ്പ്, റേഷന് കാര്ഡിന്റെ പകര്പ്പ് എന്നിവയോടൊപ്പം വീട് റിപ്പയര് ചെയ്യേണ്ടതിനും, വീടിന്റെ വിസ്തീര്ണ്ണം തെളിയിക്കുന്നതിനും മറ്റു വകുപ്പുകളില് നിന്നോ, സമാന ഏജന്സികളില് നിന്നോ അപേക്ഷകയ്ക്ക് ഭവന പുനരുദ്ധാരണത്തിനും 10 വര്ഷത്തിനുള്ളില് ഭവന നിര്മാണത്തിനോ/ പുനരുദ്ധാരണത്തിനോ ആനുകൂല്യം ലഭിച്ചിട്ടില്ലെന്ന് തെളിയിക്കുന്ന ബന്ധപ്പെട്ട തദ്ദേശസ്വയംഭരണ സ്ഥാപനത്തിന്റെ അധികാരപ്പെടുത്തിയ ഉദ്യോഗസ്ഥന് നല്കുന്ന സാക്ഷ്യപത്രം എന്നിവ ഹാജരാക്കണം.
പൂരിപ്പിച്ച അപേക്ഷ അനുബന്ധ രേഖകള് സഹിതം അതത് ജില്ലാ കലക്ടറേറ്റിലെ ന്യൂനപക്ഷക്ഷേമ സെക്ഷനില് നേരിട്ടോ, ഡെപ്യൂട്ടി കലക്ടര് (ജനറല്), ജില്ലാ ന്യൂനപക്ഷക്ഷേമ സെക്ഷന്, ജില്ലാ കലക്ടറേറ്റ് എന്ന വിലാസത്തില് തപാല് മുഖാന്തരമോ അപേക്ഷിക്കാം. അപേക്ഷാ ഫോം www.mwdscholarship.kerala.gov.in ല് ലഭിക്കും. അവസാന തീയതി സെപ്റ്റംബര് 10.
ഹലോ പാവപ്പെട്ട കുടുംബമാണ് രണ്ടു പെൺമക്കളാണ് ഭർത്താവ് മരിച്ചു ഹലോ പാവപ്പെട്ട ഉടുമ്പാണ് ഭർത്താവും മരിച്ചു രണ്ടു പെൺകുട്ടികളാണ് ഒരു പെൺകുട്ടി ഒരു പെൺകുട്ടി പഠിക്കുകയാണ് അവൾക്കൊരു വീട് വേണം 18 ദിവസായിട്ടുള്ളൂ. എന്തെങ്കിലും വിവരം കിട്ടുകയാണെങ്കിൽ ഈ നമ്പറിൽ വിളിക്കണം
മറുപടിഇല്ലാതാക്കൂവീട് വെക്കാൻ സ്ഥലം ഉണ്ടോ?
മറുപടിഇല്ലാതാക്കൂവീട് കിട്ടും