തൃത്താല: തൃത്താല സയ്യിദ് മുഹമ്മദലി ശിഹാബ് തങ്ങൾ റിലീഫ് സെന്ററിന് ജീവകാരുണ്യ പ്രവർത്തനത്തിന് ഭൂമി ദാനം നൽകി രണ്ട് കുടുംബങ്ങൾ മാതൃകയായി. പാവപ്പെട്ടവർക്ക് കാരുണ്യ ഭവനം നിർമ്മിക്കാനാണ് ഇരു കുടുംബങ്ങളും ഭൂമി നൽകിയത്. തൃത്താല പരേതനായ വടക്കുമ്പാല മുഹമ്മദിന്റെ മക്കളായ അസീസും , ബഷീറുംവികെകടവിലെ ഈരാറ്റും വക്കത്ത് മൊയ്തീൻ മകൻ ഇർശാദുമാണ് വീടന്ന സ്വപനം സാധ്യമാക്കാൻ മുന്നിട്ടു വന്നത്.
ഇരുസ്ഥലത്തിൻ്റെയും പ്രമാണം മുസ്ലിം ലീഗ് സംസ്ഥാന അധ്യക്ഷൻ സയ്യിദ് സാദിഖലി ശിഹാബ് തങ്ങൾക്ക് ഇവർ കൈമാറി.തൃത്താല അത്താണിക്കലിൽ ശാഖമുസ്ലിം ലീഗ് കമ്മിറ്റിയും ശിഹാബ് തങ്ങൾ റിലീഫ് സെന്ററും സംയുക്തമായി നിർമ്മിക്കുന്ന ബൈത്തുറഹ്മ നിർമ്മാണ പ്രഖ്യാപനവും ചടങ്ങിൽ നടത്തി.
തൃത്താല ശിഹാബ് തങ്ങൾ റിലീഫ് സെൻ്ററിന് പാവങ്ങളുടെ കണ്ണീരൊപ്പാൻ 10 സെൻ്റ് ഭൂമി ദാനം നൽകണമെന്ന് വടക്കുമ്പാല മുഹമ്മദ് ആഗ്രഹം പ്രകടിപ്പിച്ചിരുന്നു. പിതാവിൻ്റെ മരണശേഷം മക്കളായ ബഷീറും അസീസും വാപ്പയുടെ വസിയ്യത്ത് നടപ്പാക്കുകയായിരുന്നു.
ആധാര കൈമാറ്റ ചടങ്ങിൽ റിഫീഫ് സെൻ്റർ ചെയർമാൻ മുഹമ്മദ് ഫാറൂഖി അധ്യക്ഷത വഹിച്ചു. പത്തിൽ അലി, യുടി താഹിർ, എവി.മുനീർ, കെ വി.കുഞ്ഞാവ, പി വി. ബീരാവുണ്ണി, എം.അഷറഫലി, പിടി. താഹിർ, ഫൈവ് സ്റ്റാർ അലി, വി.പി. ഉമ്മർ, സലിം കേലശ്ശേരി, ഇവി കുത്താപ്പ, പി.വി. മുഹമ്മദലി, കെ. ഇസ്ഹാഖ്,കെ. സുഹാജ് തുടങ്ങിയവർ പ്രസംഗിച്ചു.