ലോകം ആർട്ടിഫിഷ്യൽ ഇൻ്റലിജൻസിനേയും ബഹിരാകാശ ശാസ്ത്രത്തേയും കുറിച്ച് ചർച്ച ചെയ്യുമ്പോൾ ഒരു വിജ്ഞാന സമൂഹമാവാൻ കൊതിക്കുന്ന കേരളത്തിലെ ദൈനംദിന ചർച്ചകൾ പലപ്പോഴും ബാലിശവും ലജ്ജാകരവുമായി അധ:പതിക്കുകയാണ്.
'ശാസ്ത്രവേദി'യുടെ തൃത്താല നിയോജക മണ്ഡലം തല പ്രവർത്തനോദ്ഘാടനം കൂറ്റനാട് നിർവ്വഹിക്കുകയായിരുന്നു അദ്ദേഹം.മയക്കുമരുന്ന് അടക്കമുള്ള സാമൂഹ്യ തിന്മകൾക്കെതിരെ ശാസ്ത്രീയമായ ബോധവൽക്കരണങ്ങൾക്ക് ശാസ്ത്രവേദി തൃത്താലയിൽ നേതൃത്വം നൽകുമെന്നും വി.ടി.ബൽറാം പറഞ്ഞു.
'ശാസ്ത്രവേദി' പാലക്കാട് ജില്ലാ പ്രസിഡന്റ് ഡോ:ലക്ഷ്മി ആർ.ചന്ദ്രൻ അധ്യക്ഷത വഹിച്ചു. തൃത്താല നിയോജക മണ്ഡലം പ്രസിഡന്റായി തോംസൺ കുമരനെല്ലൂർ ചുമതലയേറ്റെടുത്തു. പി.എം.മധു, കെ.വിനോദ്,പി. ബാലകൃഷ്ണൻ, സനോജ് കുമ്പിടി, ഡോ:അരുൺ കരിപ്പാൽ,സിദ്ധീഖ് മാസ്റ്റർ,സി.പി.മോഹനൻ മാസ്റ്റർ,വിദ്യാസാഗർ, ഫക്രുദ്ദീൻ പടിഞ്ഞാറങ്ങാടി എന്നിവർ സംസാരിച്ചു. ആർട്ടിഫിഷ്യൽ ഇന്റലിജെൻ സിനെ ക്കുറിച്ച് തോംസൺ കുമാരനെല്ലൂരും വെർച്വൽ റിയാലിറ്റിയെ ക്കുറിച്ച് ക്ലാസ്സെടുത്തു.