ഞാങ്ങാട്ടിരിയിൽ വാഹനമോടിക്കുന്നതിനിടെ നിയന്ത്രണം വിട്ട് കാർ റോഡ് സൈഡിലെ ബിൽഡിങ്ങിലേക്ക് ഇടിച്ചു കയറി അപകടം. ഞായറാഴ്ച വൈകിട്ട് മൂന്നരയോടെയാണ് സംഭവം. ഞാങ്ങാട്ടിരി ബദ്രിയ ജുമാ മസ്ജിദിന്റെ അടുത്തുള്ള ബിൽഡിങ്ങിലേക്ക് ആണ് വാഹനം ഇടിച്ചുകയറിയത്.
പട്ടാമ്പി ഭാഗത്തുനിന്നും കൂറ്റനാട് ഭാഗത്തേക്ക് വരികയായിരുന്ന വാഹനം ഞാങ്ങാട്ടിരിയിലെ കടയിൽ നിന്നും സാധനങ്ങൾ വാങ്ങാൻ റോഡിൽ നിന്നും ഇറങ്ങുന്നതിനിടെ ബ്രേക്കിനു പകരം ആക്സിലേറ്റർ ചവിട്ടിയതിനെ തുടർന്നാണ് അമിത വേഗതയിൽ ബിൽഡിങ്ങിലേക്ക് കാർ ഇടിച്ചു കയറിയത്.
അപകടത്തിൽ പരിസരത്ത് നിർത്തിയിട്ട ബൈക്കിൽ കൂടി കാർ ഇടിച്ചിട്ടുണ്ട്. രായമംഗലം സ്വദേശികളായ ഭാര്യയും ഭർത്താവും രണ്ടു കുട്ടികളുമാണ് വാഹനത്തിൽ ഉണ്ടായിരുന്നത്. ആർക്കും പരിക്കില്ല.