മക്ക: മദീനയ്ക്ക് സമീപം ഉംറ തീർഥാടകരുമായുള്ള ബസ് കത്തി നാൽപതോളം പേർ കൊല്ലപ്പെട്ടതായി റിപ്പോർട്ടുകൾ. മക്കയിൽ നിന്നും മദീനയിലേക്കുപോകുകയായിരുന്ന ഉംറ ബസ് ഡീസൽ ടാങ്കറുമായി കൂട്ടിയിടിച്ചതോടെയാണ് തീപിടിത്തം ഉണ്ടായത്.
ബസിൽ 43 ഹൈദരാബാദ് സ്വദേശികൾ യാത്രചെയ്യുകയുണ്ടായി. മരിച്ചവരിൽ 20 പേർ സ്ത്രീകളും, 11 പേർ കുട്ടികളുമാണ് എന്നതാണ് പ്രാഥമിക വിവരം. ഒരു പേർ മാത്രമാണ് അപകടത്തിൽ നിന്ന് രക്ഷപ്പെട്ടതെന്നും അദ്ദേഹത്തെ തൽക്ഷണം ആശുപത്രിയിൽ പ്രവേശിപ്പിച്ചതുമാണ് വിവരം.
സൗദി സമയം രാത്രി 11 മണിയോടെയാണ് ബദ്ർ – മദീന പാതയിൽ മുഫറഹാത്ത് എന്ന സ്ഥലത്ത് സംഭവം ഉണ്ടായത്. മക്കയിലെ തീർഥാടനം പൂർത്തിയാക്കി മദീനയിലേക്ക് മടങ്ങിവരുന്നതിനിടെയായിരുന്നു അപകടം.
ബസിലുണ്ടായിരുന്നവരെല്ലാം ഹൈദരാബാദ് സ്വദേശികളാണെന്ന് ബന്ധപ്പെട്ട ഉംറ കമ്പനി സ്ഥിരീകരിച്ചു.