തൃത്താല: യൂത്ത് ലീഗ് മുൻ പാലക്കാട് ജില്ലാ സെക്രട്ടറിയായ എം. എൻ. നവാഫ് സിപിഐഎം പാർട്ടിയിൽ ചേർന്നു. സിപിഐഎം ജില്ലാ കമ്മിറ്റി അംഗം വി.കെ. ചന്ദ്രൻ്റെ നേതൃത്വത്തിലുള്ള പാർട്ടി പ്രവർത്തകരാണ് നവാഫിനെ സ്വീകരിച്ചത്.
തൃത്താല സ്വദേശിയായ നവാഫിനെ 2020 ലെ തദ്ദേശസ്വയംഭരണ തിരഞ്ഞെടുപ്പിനിടെ പാർട്ടി വിരുദ്ധ പ്രവർത്തനം നടത്തിയെന്നാരോപിച്ച് മുസ്ലിം ലീഗ് സംഘാടന നടപടി സ്വീകരിച്ചിരിക്കുകയായിരുന്നു. അതിനുശേഷം കഴിഞ്ഞ അഞ്ച് വർഷമായി അദ്ദേഹം കക്ഷി രാഷ്ട്രീയ പാർട്ടിയുമായി ബന്ധപ്പെട്ടിരുന്നില്ല.
നിലവിൽ നടക്കുന്ന തദ്ദേശ തെരഞ്ഞെടുപ്പിൽ തൃത്താല പഞ്ചായത്തിൽ സിപിഐഎം സീറ്റ് വാഗ്ദാനം ചെയ്തതായുള്ള വിവരങ്ങൾ പുറത്ത് വന്നതോടെയാണ് നവാഫ് ഔദ്യോഗികമായി സിപിഐഎമ്മിലേക്ക് ചേക്കേറിയത്.