തിരുവേഗപ്പുറ ഗ്രാമപഞ്ചായത്തിലെ നവീകരിച്ച ഗ്രാമീണ റോഡുകളുടെ ഉദ്ഘാടനം മുഹമ്മദ് മുഹ്സിൻ എം.എൽ.എ നിർവ്വഹിച്ചു. 25 ലക്ഷം രൂപ ചെലവിൽ നവീകരിച്ച കോളപ്രത്തോടി - പൊറ്റക്കാട്ട് തൊടി റോഡ്, 15 ലക്ഷം രൂപ ചെലവിൽ ഓടുപാറ - എയര്പോര്ട്ട് പറമ്പ് റോഡ് എന്നിവയുടെ ഉദ്ഘാടനമാണ് എം.എൽ.എ നിർവ്വഹിച്ചത്. ഈ രണ്ടു ഗ്രാമീണ റോഡുകളും മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിൽ ഉൾപ്പെടുത്തിയാണ് നവീകരിച്ചത്. തിരുവേഗപ്പുറ ഗ്രാമപഞ്ചായത്തിൽ മാത്രം ഒരു കോടി രൂപയുടെ പ്രവർത്തികളാണ് ഈപദ്ധതിയിലൂടെ നടപ്പിലാക്കുന്നത്.
