എടപ്പാൾ | അയിലക്കാട് ഐയിനിചിറയിൽ നീന്താനിറങ്ങി കായലിൽ കാണാതായ യുവാവിന്റെ മൃതദേഹം കണ്ടെത്തി. തിരൂര്‍ കൂട്ടായി കോതപറമ്പ് സ്വദേശി മാഞ്ഞാംപ്രയകത്ത് മുഹമ്മദ്ഖൈസിന്റെ(39) മൃതദേഹമാണ് പോലീസും അഗ്നിശമന സേനയും, സിവിൽ ഡിഫൻസും, നാട്ടുകാരും ചേർന്ന് നടത്തിയ തിരച്ചിലിൽ കണ്ടെത്തിയത്.മൃതദേഹം പൊന്നാനി താലൂക്ക് ആശുപത്രി മോർച്ചറിയിലേക്ക് മാറ്റി. ഞായറാഴ്ച വൈകിട്ട് ആറുമണിയോട് കൂടിയാണ് ഖൈസ് ഉള്‍പ്പടെയുള്ള ആറംഗ സഘം കുളിക്കാനായി അയിനിചിറയിൽ എത്തിയത്.