കൂറ്റനാട് സ്കൂൾ ബസിന്റെ പിൻചക്രം ഊരി തെറിച്ച് അപകടം

കൂറ്റനാട്: സ്കൂൾ ബസ്സിന്റെ പിൻ ചക്രം ഊരിത്തെറിച്ച് അപകടം. പെരിങ്ങോട് - ചാലിശ്ശേരി റോഡിൽ വെച്ച് അൽ അമീൻ സെൻട്രൽ സ്കൂളിന്റെ ബസാണ് അപകടത്തിൽപെട്ടത്. ആളപായമില്ല. വിദ്യാർത്ഥികളെ വീടുകളിൽ നിന്നെടുത്ത് സ്കൂളിലേക്ക് കൊണ്ട് പോകും വഴി തിങ്കളാഴ്ച രാവിലെ ഒമ്പത് മണിയോടെയാണ് സംഭവം. വിദ്യാർത്ഥികളെ പിന്നീട് അധികൃതർ മറ്റൊരു ബസ്സിൽ കയറ്റി സ്കൂളിലേക്ക് കൊണ്ടുപോവുകയായിരുന്നു.