ചാലിശ്ശേരി ഗവൺമെന്റ് ഹയർസെക്കൻഡറി സ്കൂളിൽ ഒക്ടോബർ 8, 9 , 10(ചൊവ്വ, ബുധൻ , വ്യാഴം ) ദിവസങ്ങളിൽ തൃത്താല ഉപജില്ല ശാസ്ത്രമേള നടക്കും. ശാസ്ത്ര ഗണിത , ശാസ്ത്ര സാമൂഹ്യ , ശാസ്ത്ര പ്രവൃത്തി പരിചയ IT മേളകളിൽ LP തലം മുതൽ ഹയർ സെക്കണ്ടറി തലം വരെയുള്ള കുട്ടികൾ പങ്കെടുക്കും.
യോഗം ചാലിശ്ശേരി പഞ്ചായത്ത് പ്രസിഡണ്ട് വിജേഷ് കുട്ടൻ ഉദ്ഘാടനം ചെയ്തു. പി ടി എ പ്രസിഡൻ്റ് പി.വി. രജീഷ് കുമാർ അധ്യഷനായി തൃത്താല എ ഇ ഒ, കെ പ്രസാദ് മേളയെ കുറിച്ച് വിശദീകരിച്ചു.
ചാലിശ്ശേരി ഗ്രാമപഞ്ചായത്ത് പ്രസിഡന്റ് വിജേഷ് കുട്ടൻ ചെയർമാനും , സ്കൂൾ പ്രിൻസിപ്പാൾ ഡോ സജീന ഷുക്കൂർ ജനറൽ കൺവീനറും, തൃത്താല എ ഇ ഒ കെ പ്രസാദ് ട്രഷററുമായിട്ടുള്ള സ്വാഗത സംഘം രൂപീകരിച്ചു. വിവിധ സബ് കമ്മിറ്റികളെയും തെരഞ്ഞെടുത്തു.
ജനപ്രതിനിധികൾ, അധ്യാപക സംഘടന പ്രതിനിധികൾ, രക്ഷിതാക്കൾ, രാഷ്ട്രീയ പാർട്ടി പ്രതിനിധികൾ, ക്ലബ് ഭാരവാഹികൾ, പൊതു ജനങ്ങൾ എന്നിവർ പങ്കെടുത്തു