ചാലിശ്ശേരി ഗ്രാമപഞ്ചായത്തിന്റെ 2026-27 സാമ്പത്തിക വർഷത്തെ വികസന പദ്ധതികൾക്ക് അന്തിമരൂപം നൽകുന്നതിനായുള്ള വികസന സെമിനാർ നടന്നു. പഞ്ചായത്ത് അംബേദ്കർ ഹാളിൽ ഗ്രാമ പഞ്ചായത്ത് വൈസ് പ്രസിഡണ്ട് യു.കെ.സുരേഷ് ബാബുവിന്റെ അധ്യക്ഷതയിൽ പഞ്ചായത്ത് പ്രസിഡന്റ് റംല വീരാൻകുട്ടി വികസന സെമിനാർ ഉദ്ഘാടനം ചെയ്തു.
വികസനകാര്യ സ്ഥിരം സമിതി ചെയർപേഴ്സൺ സിജി ഷാബു കരട് പദ്ധതി രേഖ പഞ്ചായത്ത് പ്രസിഡന്റ് റംല വീരാൻകുട്ടിക്ക് നൽകി പ്രകാശനം ചെയ്തു.പഞ്ചായത്ത് സെക്രട്ടറി എം.എം.ജമീല കരട് പദ്ധതി അവതരണം നടത്തി.ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ ആനി വിനു,പഞ്ചായത്ത് അംഗങ്ങൾ,വിവിധ രാഷ്ട്രീയ കക്ഷി പ്രതിനിധികൾ,ആസൂത്രണ സമിതി ഉപാധ്യക്ഷൻ കെ.ബാബു നാസർ എന്നിവർ ആശംസകൾ അർപ്പിച്ചു സംസാരിച്ചു. ക്ഷേമകാര്യ സ്ഥിരം സമിതി ചെയർപേഴ്സൺ സവിത അജി സ്വാഗതവും,പ്ലാൻ ഫെസിലിറ്റേറ്റർ ഷഹന അലി നന്ദിയും രേഖപ്പെടുത്തി.
