സംസ്ഥാനത്ത് സ്വർണവിലയിൽ വർധന. ഇന്ന് ഒരു പവൻ 160 രൂപയാണ് വർധിച്ചത്. ഇന്ന് ഒരു പവൻ സ്വർണത്തിന്റെ വില 91,280 രൂപയാണ്. ഒരു ഗ്രാം സ്വർണത്തിന് 20 രൂപയുടെ വർധനയാണ് ഉണ്ടായത്. ഗ്രാമിന്റെ വില 11,410 രൂപയായി ഉയർന്നു.18 കാരറ്റ് സ്വർണത്തിന് ഗ്രാമിന് 15 രൂപ കൂടി വില 9,385 രൂപയായി. 14 കാരറ്റ് സ്വർണത്തിന് 10 രൂപ കൂടി ഗ്രാമിന് 7310 ആയും പവന് 58,480 രൂപയായും ഉയർന്നു.
ഇന്നലെ രണ്ടു തവണയാണ് സ്വര്ണവിലയില് കുറവ് രേഖപ്പെടുത്തിയത്. രാവിലെയും ഉച്ചക്കുമായി സ്വര്ണം പവന് 440 രൂപ കുറഞ്ഞു. രാവിലെ സ്വര്ണം ഗ്രാമിന് 15 രൂപ കുറഞ്ഞ് 11,430 രൂപയും പവന് 120 രൂപ കുറഞ്ഞ് 91,440 രൂപയുമായിരുന്നു വില. ഉച്ചക്കു ശേഷം സ്വര്ണം ഗ്രാമിന് 40 രൂപ കുറഞ്ഞ് 11,390 രൂപയും, പവന് 320 രൂപ കുറഞ്ഞ് 91,120 രൂപയുമായിരുന്നു. പണിക്കൂലി, ജിഎസ്ടി, ഹോള് മാര്ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്.
ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിക്കുന്നത്. വില ഉയരുന്നത് വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവ് രേഖപ്പെടുത്തി. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.