രാജ്യത്തെ വോട്ടർ പട്ടിക തീവ്ര പുനഃപരിശോധനയിൽ നിന്ന് കേന്ദ്ര സർക്കാർ പിന്തിരിയണമെന്നാവശ്യപ്പെട്ട് തൃത്താല മണ്ഡലം എൽഡിഎഫ് കമ്മിറ്റി കൂറ്റനാട് സെൻററിൽ സായാഹ്ന സദസ്സ് സംഘടിപ്പിച്ചു.
തുടർന്ന് നടന്ന പൊതുയോഗം സിപിഎം ജില്ലാ സെക്രട്ടേറിയറ്റ് അംഗവും എം.എൽ.എയുമായ പി. മമ്മിക്കുട്ടി ഉദ്ഘാടനം ചെയ്തു. സിപിഐ മണ്ഡലം സെക്രട്ടറി യു. ഹൈദ്രോസ്, സിഐടിയു ജില്ലാ സെക്രട്ടറി പി.എൻ. മോഹനൻ, ജനതാദൾ മണ്ഡലം സെക്രട്ടറി എ.കെ. ദേവദാസ്, ശ്രീജി കടവത്ത്, സിപിഎം ഏരിയ സെക്രട്ടറി ടി.പി. മുഹമ്മദ് എന്നിവർ പ്രസംഗിച്ചു.
മുൻ എം.എൽ.എമാരായ ടി.പി. കുഞ്ഞുണ്ണിയും വി.കെ. ചന്ദ്രനും യോഗത്തിൽ പങ്കെടുത്തു.