തിരുമിറ്റക്കോട് ഗ്രാമ പഞ്ചായത്തിൽ ഒമ്പതാം വാർഡിലെ പത്തക്കൽ റോഡ് യാഥാർത്ഥ്യമായി. റോഡിൻ്റെ ഉദ്ഘാടനം തദ്ദേശ സ്വയംഭരണ എക്സൈസ് വകുപ്പ് മന്ത്രി എം ബി രാജേഷ് നിർവ്വഹിച്ചു.
മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ നിന്ന് 15 ലക്ഷം രൂപയും ഗ്രാമ പഞ്ചായത്ത് ഫണ്ടിൽ നിന്നും രണ്ട് ലക്ഷം രൂപയും ഉൾപ്പെടുത്തി ആകെ 17 ലക്ഷം രൂപ വിനിയോഗിച്ചാണ് റോഡ് നിർമ്മിച്ചത്. 170 മീറ്റർ നീളത്തിൽ നിർമ്മാണം പൂർത്തീകരിച്ച റോഡ് പ്രദേശത്തെ അമ്പതോളം വരുന്ന കുടുംബങ്ങളുടെ യാത്ര സൗകര്യത്തിന് ഉപകാരപ്രദമാണ്.
പരിപാടിയിൽ ഗ്രാമ പഞ്ചായത്ത് പ്രസിഡൻ്റ് ടി സുഹറ അധ്യക്ഷയായി.വൈസ് പ്രസിഡൻ്റ് സിഎം മനോമോഹനൻ, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ടി എസ് ഷെറീന, ഗ്രാമപഞ്ചായത്ത് സ്ഥിരം സമിതി അധ്യക്ഷരായ രാധിക രതീഷ്,വി ആർ രേഷ്മ വാർഡ് മെമ്പർമാരായ കെ വി മൊയ്തുണ്ണി, ടി പ്രേമ, ശ്രീഷ്മ എന്നിവർ പങ്കെടുത്തു.