തൃത്താല ബ്ലോക്ക് പഞ്ചായത്ത് വിമൺ ഫ്രണ്ട്ലി സെൻ്റർ കറുകപുത്തൂരിൽ തുറന്നു

തൃത്താല ബ്ലോക്ക് പഞ്ചായത്ത് 2023-24, 2024-25 വാർഷിക പദ്ധതിയിലുൾപ്പെടുത്തി 35 ലക്ഷം രൂപ വകയിരുത്തിയാണ് കറുകപുത്തൂരിൽ വിമൺ ഫ്രണ്ട്ലി സെൻ്റർ പൂർത്തിയാക്കിയത്. ബ്ലോക്ക് പ്രസിഡൻ്റ് അഡ്വ.വി.പി റജീന ഉദ്ഘാടനം ചെയ്തു.

തിരുമിറ്റക്കോട് പഞ്ചായത്ത് പ്രസിഡൻ്റ് ടി.സുഹ്റ അധ്യക്ഷയായി. കൗൺസലിംഗ് സെൻ്റർ, ഫിറ്റ്നസ് സെൻ്റർ, വനിതാ സംരംഭകരുടെ ഉൽപ്പന്നങ്ങൾ വിറ്റഴിക്കുന്നതിനുള്ള ഔട്ട്ലെറ്റ് എന്നിവ ഉൾപ്പെടുത്തിയാണ് വിമൻ ഫ്രണ്ട്ലി സെൻ്റർ യാഥാർത്ഥ്യമാക്കിയത്.

ബ്ലോക്ക് ക്ഷേമകാര്യ ചെയർ പേഴ്സൺ ടി.എസ് ഷെറീന, ജനപ്രതിനിധികളായ എം.ശ്രീലത, വി.ശ്യാമള, കെ.പ്രേമ, രേഷ്മ, ഗ്രീഷ്മ അനിൽ, സി.ഡി.പി.ഒ എം.ബിന്ദു, കെ.ജനാർദനൻ, മെഹറൂഫ് എന്നിവർ സംസാരിച്ചു.