തൃത്താല: ഡി.ആർ. കെ.ബി.എം.എം.എച്ച്.എസ്.എസിൽ 2025-26 അധ്യയന വർഷത്തിലെ എസ്.എസ്.എൽ.സി, പ്ലസ് ടു, യു.എസ്.എസ്, എൻ.എം.എം.എസ് പരീക്ഷകളിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന 'വിജയോത്സവം 26' സംഘടിപ്പിച്ചു.
ബ്ലോക്ക് പ്രസിഡന്റ് പി.ആർ. കുഞ്ഞുണ്ണിയുടെ അധ്യക്ഷതയിൽ നടന്ന ചടങ്ങ് തൃത്താല എം.എൽ.എ വി.ടി. ബൽറാം ഉദ്ഘാടനം ചെയ്തു. തൃത്താല ഗ്രാമപഞ്ചായത്ത് പ്രസിഡന്റ് ജയന്തി വിജയകുമാർ വിശിഷ്ടാതിഥിയായി പങ്കെടുത്തു.
ജില്ലാ പഞ്ചായത്ത് അംഗം ഇന്ദിര ടീച്ചർ, ബ്ലോക്ക് പഞ്ചായത്ത് അംഗം ദിവ്യ മണികണ്ഠൻ, വാർഡ് അംഗം ഷബ്നാ നിഷാദ്, ഉപജില്ലാ വിദ്യാഭ്യാസ ഓഫീസർ കെ. പ്രസാദ്, കെ.വി. മരക്കാർ, മാനേജർ കെ.വി. ഷറഫുദ്ദീൻ, പി.ടി.എ പ്രസിഡന്റ് എ.കെ. ഷംസുദ്ദീൻ, ഹെഡ്മാസ്റ്റർ എ. ശിഹാബുദ്ദീൻ, സ്റ്റാഫ് സെക്രട്ടറി പി.എ. റഹ്മത്ത് എന്നിവർ ആശംസകൾ നേർന്നു.
പ്രിൻസിപ്പൽ ഡോ. സെലീന വർഗീസ് സ്വാഗതം പറഞ്ഞു. സ്റ്റാഫ് സെക്രട്ടറി മിനി നന്ദി രേഖപ്പെടുത്തി. ചടങ്ങിൽ വിവിധ പരീക്ഷകളിൽ മികവ് തെളിയിച്ച വിദ്യാർത്ഥികളെ ആദരിക്കുകയും ഉപഹാരങ്ങൾ വിതരണം ചെയ്യുകയും ചെയ്തു.
